လူ့ လောကမှာ -
ဖို့ ( ၃ ) ဖို့ ရှိပါတယ် …
၁။ ခန္ဓာစုတာ....... မြေကျွေးဖို့၊
၂။ ပစ္စည်းစုတာ... ထိုက်သူဖို့၊
၃။ တရားစုတာ.....မိမိဖို့ ၊
☸☸☸☸☸☸☸☸☸☸☸☸🙏
#ခန္ဓာစုတာ_မြေကျွေးဖို့
ခန္ဓာကိုယ်ကြီးကို အလိုလိုက်ပြီးတော့ -
🔸 ဒါန အတွက်လည်း မခိုင်းရက်ဘူး၊
🔸 သီလ အတွက်လည်း မခိုင်းရက်ဘူး၊
🔸 ဘာဝနာ အတွက်လည်း မခိုင်းရက်ဘူး၊
🔸 ဥပုသ်စောင့်ဖို့ အတွက်လည်း မခိုင်းရက်ဘူး၊
🔸 ဘုရားရှိခိုးလေးတောင် မခိုင်းရက်ဘူး ။
တစ်နေ့ကို
နာရီဝက် , တစ်နာရီလောက်
တရားထိုင်ဖို့ အတွက်လည်း... မခိုင်းရက်ဘူး၊
တရားနာဖို့ အတွက်လည်း .....မခိုင်းရက်ဘူး၊
သိပ်ပြီးတော့ ငဲ့ညှာ နေတယ် ။
ကျွေးရုံသာ ကျွေးပြီး
ခန္ဓာကိုယ်ကြီးကို အလိုလိုက်နေတာ … ။
ဘာလုပ္ဖို့လဲလို့
သူများကမေးရင်
ပါးစပ်ကနေ တိုက်ရိုက်တော့ မပြောဘူး ။
တရားသေဘာက
သူ့ဟာသူ အဖြေထုတ်တာက
မြေကြီးကျွေးဖို့ တဲ့ … ။
ဒါကြောင့် -
ခန္ဓာစုတာဟာ
နောက်ထပ်,နောက်ထပ် မြေကြီးကျွေးဖို့ပါ …။
☸☸☸☸☸☸☸☸☸☸☸☸☸
#ပစ္စည်းစုတာ_ထိုက်သူဖို့
ပစ္စည်းစုတာ ဘာလုပ်ဖို့လဲ ?
ပစ္စည်းဟာ ခန္ဓာနဲ့လည်း မကင်းပြန်ဘူး။
ဒါဖြင့်
ဘာကြောင့် စုတာလဲ ? လို့
မေးတော့...
ပါးစပ်ကနေ ဘာမှ မပြောပေမယ့်
တရားသဘောနဲ့ အဖြေထုတ်တာက
ထိုက်သူတွေ... သုံးဖို့ တဲ့ ။
ထိုက်တဲ့ ပုဂ္ဂိုလ်တွေ သုံးကြပါစေ၊
ကိုယ်နဲ့ ထိုက်သလောက်
သုံးချင်သုံးရမယ် … ။
ဒီ့ပြင်
ပုဂ္ဂိုလ်နဲ့ ထိုက်ရင်လည်း
ပုဂ္ဂိုလ်က သုံးသွားလိမ့်မယ် … ။
ရန်သူမျိုး (၅)ပါးနဲ့ ထိုက်ရင်လည်း
ရန်သူမျိုး (၅)ပါးထံ ရောက်သွားလိမ့်မယ် …။
ပစ္စည်းက ကိုယ်မှ မပိုင်ဘဲ
ဘုံ ဆိုင်ကြီးကိုး …။
ဒါကြောင့် -
ပစ္စည်းစုတာဟာ ထိုက်သူတွေသုံးဖို့
အတွက်ပါ … ။
☸☸☸☸☸☸☸☸☸☸☸☸
#တရားစုတာ_မိမိဖို့
#ဒါနလုပ်တာ ....ဘယ်သူ့ဖို့လဲ ?
ကိုယ့်ဖို့ ကျန်အောင် လုပ်ရတာ …။
#သီလကျင့်သုံးတာ... ဘယ်သူ့ ဖို့လဲ ?
ကိုယ့်ဖို့ ကျန်အောင် ကျင့်သုံးရတာ …။
#ဥပုသ်စောင့်တာ... ဘယ်သူ့ဖို့လဲ ?
ကိုယ့်ဖို့ ကျန်အောင် စောင့်ရတာ …။
#ဘုရားရှိခိုးတာ... ဘာလုပ်ဖို့လဲ ?
ကိုယ့်ဖို့ ကျန်အောင် ရှိခိုးရတာ …။
#တရားထိုင်တာ ,
#တရားမှတ်တာ
#တရားဘာဝနာပွားများတာ
ဘယ်သူ့ ဖို့လဲ ?
ကိုယ့်ဖို့ကျန်အောင် ပွားများ ရတာ …
ယခုလို
#တရားသဘောကိုဆည်းပူးတာ
ဘာလုပ်ဖို့လဲ ?
ကိုယ့်ဖို့ကျန်အောင် လုပ်ကြရတာ ?
ကုသိုလ်အလုပ် မှန်ရင်...
ဒီဘဝတင်မကပဲ သံသရာအထိပါတဲ့
ကိုယ့်ဖို့ ကျန်အောင် လုပ်ကြတာချည်းပါပဲ ။
ဒါကြောင့်
တရားစုတာက မိမိဖို့ ဖြစ်ပါတယ် …။
ဒီလောက်ဆို
ကိုယ် ဘာလုပ်သင့်တယ် ဆိုတာ
သိလောက်ရောပေါ့ … ။
🙏ယောဆရာတော်ဘုရားကြီး
☸☸☸☸☸☸☸☸☸☸☸☸☸
