သစ်ပင်ကြီးလည်း မလဲပါစေနှင့်။
ထုံးအိုးကြီးလည်း မကွဲပါစေနှင့်။
မြစ်ကြီး မခန်းပါစေနှင့်ဆိုတာ
အေးမြတဲ့ စမ်းရေလို
ကြည်ကြည် လင်လင်
တသွင်သွင် စီးဆင်းနေတဲ့
မေတ္တာမြစ်ကြီးကို … ဆိုလိုတာ။
လူလူ ချင်း … မေတ္တာထားကြ။
မေတ္တာတွေ … မခန်းကြစေနဲ့
ဆိုတဲ့ အဓိပ္ပာယ်။
သစ်ပင်ကြီး မလဲပါစေနှင့်တဲ့။
သစ်ပင်ကြီးဟာ … အခက်အလက်
အရွက်တွေ ဝေဝေဆာဆာနဲ့
အရိပ် အာဝါသကိုပေးတယ်။
ထို့အတူပဲ
ဘုရား …တရား … သံဃာ ရတနာသုံး ပါးရဲ့
အရိပ်အာဝါသကောင်းကို ခိုလှုံ ရလို့လည်း
ကြီးပွားချမ်းသာခြင်းကို ရတယ်။
ရတနာသုံးပါးရဲ့
အရိပ်အာ ဝါသကို ဖျက်ဆီးမိရင်
သစ်ပင်ကြီး … လှဲပစ်တာနဲ့ တူတယ်။
ဒါကြောင့် သစ်ပင်ကြီး … မလဲပါစေနှင့်။
ထုံးအိုးကြီး မကွဲပါစေနှင့် ဆိုတာကတော့
ရိုးရာဓလေ့ထုံးစံတွေကို ပြောတာပါ။
မိဘ … ဘိုးဘွား လက်ထက်ကတည်းက
လိုက်နာ ကျင့်သုံး လာကြတဲ့
ယဉ်ကျေးမှု ထုံးတမ်းစဉ်လာကောင်းတွေ
မပျောက်ပျက်ရအောင် ထိန်းသိမ်းပြီး
ဗုဒ္ဓဘာသာ ဓလေ့အတိုင်း
ယဉ်ယဉ်ကျေးကျေး သိမ်သိမ်မွေ့မွေ့
နေထိုင်ကြ။
ကျေးဇူးတော်ရှင်
ရွှေဥမင်ဆရာတော်ဘုရားကြီး (၁၂၅၇-၁၃၆၄)
