သင့် အကြောင်းကို
သင့် ခေါင်းထဲက သိပါ၏ …
သင့်ကို စောင့်ကြပ်
ကိုယ်စောင့် နတ်လည်း
ပြတ်ပြတ်သားသား သိပါ၏ …
နတ်တို့ သနင်း
သိကြားမင်းလည်း
ရှင်းရှင်းလင်းလင်း သိပါ၏ …
ငရဲ သနင်း
ယမမင်းလည်း
ကွင်းကွင်းကွက်ကွက် သိပါ၏ …
စျာန် အဘိဥာဉ်
တန်ခိုးရှင်လည်း ထင်ထင်ရှားရှား သိပါ၏ …
သင်ပြုလုပ်စဉ် သင့်ဝန်းကျင်မှ
မြင်မြင်သမျှ လူ နတ် ကလည်း
ဂဃနဏ သိပါ၏ …
လိမ်ညာမရ ဤလောကဝယ်
ကောင်းသော လမ်းစဉ် လျှောက်လှမ်းချင်က
အသင် ပြုပြင်နိုင်သေး၏ …
(ရွှေဂျိုးဖြူ_ဆရာတော်_ဘုရားကြီး )
