နေ ရ သ မျှ

မရှိခြင်းဟာ ချမ်းသာတယ်လို့

နား လည် လာ တဲ့ အ ခါ

မရှိမှာကို မကြောက်တော့ဘူး

ရှိလာခြင်းဟာ မမြဲဘူးလို့

နား လည် လာ တဲ့ အ ခါ

ဘာကိုမှ စွဲလမ်း မထားတော့ဘူး

အထင်ကြီးခံရမှုဟာ ဘဝမဟုတ်မှန်း

ခံ စား လာ ရ တဲ့ အ ခါ

သတိလက်လွတ် မပျော်မိတော့ဘူး

အထင်သေးခံရမှုဟာ အားငယ်စရာမဟုတ်မှန်း

သိ လာ တဲ့ အ ခါ

အပြစ်တင်မှုတွေကို ဂရုမစိုက်တော့ဘူး

တိတ်ဆိတ်မှုဟာ အရှုပ်အရှင်းကင်းတယ်လို့

နား လည် လာ တဲ့ အ ခါ

နေရာတကာ ဝင်မပါတော့ဘူး

ဘဝဟာ ခဏပါလို့

နား လည် လာ တဲ့ အ ခါ

အမုန်းတရားတွေနဲ့ စိတ်ညစ်စရာတွေကို

သိမ်းပိုက် မထားချင်တော့ပါဘူး

နေ ရ သ မျှ လေး မှာ

အပြစ်ကင်းပြီး စိတ်ချမ်းသာအောင်ပဲ

ကြိုးစား၍ နေဖြစ်ပါတော့တယ်

#Credit_To_Original_Writer