ပုဒ်ဖြတ်ပုဒ်ရပ် သင်္ကေတများ (Punctuation marks) အကြောင်းသိကောင်းစရာများ

 ပုဒ်ဖြတ်ပုဒ်ရပ် သင်္ကေတများ (Punctuation marks) အကြောင်းသိကောင်းစရာများ

*****************************************

1.[ . ] full stop (BrE) period (NAmE)

----------------------------------------

-မေးခွန်းဝါကျ သို့မဟုတ် အာမေဋိတ်ဝါကျ မဟုတ်သောစာကြောင်းတစ်ကြောင်း၏အဆုံးတွင်အသုံးပြုသည်။

~ I knocked at the door. There was no reply.

~ I knocked again.

.

-တစ်ခါတစ်ရံ အတိုကောက်စာလုံးများတွင်လည်းအသုံးပြုသည်။

~ Jan. e.g. a.m. etc.

.

-အင်တာနက်နှင့် အီးမေးလ် လိပ်စာများ တွင် dot ဟုခေါ်သည်။

~ http://www.---.com

_____________________

2.[ , ] comma

--------------

- and ၏ရှေ့တွင်ယေဘုယျအားဖြင့် မြှုပ်ရေးခြင်းခံရသော်လည်း စာရင်းတစ်ခုအနေဖြင့် စာလုံးများကို ခွဲရေးသောအခါတွင် အသုံးပြုသည်။

~ a bouquet of red, pink and white roses

~ tea, coffee, milk or hot chocolate

.

-စကားစုများ သို့မဟုတ် ဝါကျပိုင်းများကို ခွဲရေးရာတွင် အသုံးပြုသည်။

~ If you keep calm, take your time, concentrate and think ahead, then you're likely to pass your test.

~ Worn out after all the excitement of the party, the children soon fell asleep.

.

-၄င်းလိုက်သည့် နာမ်နှင့်ပတ်သက်သောအချက်အလက် (မလိုအပ်သော်ငြားလည်း) အပိုအနေဖြင့်ထည့်ရေးသားသော ဝါကျပိုင်းတစ်ခု သို့မဟုတ် စကားစုတစ်ခု၏ အရှေ့နှင့် အနောက်တွင်အသုံးပြုသည်။

~The Pennine Hills, which are very popular with walkers, are situated between Lancashire and Yorkshire.

၄င်းလိုက်သော နာမ် ကိုအဓိပ္ပါယ်ဖွင့်ဆိုသော ဝါကျပိုင်းတစ်ခု၏ အရှေ့နှင့်အနောက်တွင် comma ( , ) ကိုအသုံးမပြုရ။

~The hills that separate Lancashire from Yorkshire are called the Pennines.

.

- and, as, but, for, or ကဲ့သို့သော သမ္ဗန္ဓတစ်ခုဖြင့် ချိတ်ဆက်ထားသော အဓိကဝါကျပိုင်းအရှည်များကို ခွဲရေးရာတွင်အသုံးပြုသည်။

~We had been looking forward to our holiday all year, but unfortunately it rained every day.

.

-စာကြောင်းတစ်ကြောင်းလုံးနှင့်သက်ဆိုင်သော နိဒါန်းစကားလုံး၊ စကားစု၊ ကြိယာဝိသေသန သို့မဟုတ် ကြိယာဝိသေသနစကားစု ကို ကျန်သည့်စာကြောင်းအစိတ်အပိုင်းများမှ ခွဲရေးရာတွင်အသုံးပြုသည်။

~ Oh, so that's where it was.

~ As it happens, however, I never saw her again.

~ By the way, did you hear about Sue's car?

.

-ကျန်သည့်စာကြောင်းအစိတ်အပိုင်းများမှ နောက်ဆက်တွဲမေးခွန်းကို ခွဲရေးသောအခါတွင် အသုံးပြုသည်။

~ It's quite expensive, isn't it?

~ You live in Bristol, right?

.

-ပြောစကားများကို ပြန်ချရေးသောအခါ 'he said' 'she said' စသောစာလုံးများ၏အရှေ့နှင့်အနောက်တွင် အသုံးပြုသည်။

~"Come back soon," she said.

~She said, "Come back soon."

.

-စာကိုး၊ ကျမ်းကိုး စာသားများ၏ရှေ့တွင်အသုံးပြုသည်။

~ Disraeli said, "Little things affect little minds".

__________________

3.[ : ] colon

--------------

-လက်ရှိအခြေအနေရောက်မှ စတင်ပြောသောအချက်အလက်များကို ရေးရာတွင် အသုံးပြုသည်။

~ These are our options: we go by train and leave before the end of the show; or we take the car and see it all.

.

-စနစ်တကျအရေးအသားကို ရေးသားရာတွင် အဓိကဝါကျပိုင်းနှင့် ပတ်သက်၍ အပိုအနေဖြင့်ရေးသော ဝါကျပိုင်းတစ်ခု သို့မဟုတ် စကားစုတစ်ခု၏ရှေ့၌အသုံးပြုသည်။(ဤတွင် colon အစား comma မှလွဲ၍ semicolon သို့မဟုတ် full stop တစ်ခုကို အသုံးပြုနိုင်ပါသည်။)

~The garden had been neglected for a long time: it was overgrown and full of weeds.

.

-လက်ရှိအခြေအနေရောက်မှ စတင်ပြောသော စာကိုး၊ ကျမ်းကိုးစာသားတစ်ခုကို အတွင်းသွင်း၍ရေးသားသော အရှေ့တွင် အသုံးပြုသည်။

~As Kenneth Morgan writes:

        The truth was, perhaps, that Britain in the years from 1914 to 1983 had not changed all that fundamentally.

 Others, however, have challenged this view...

________________________________

4.[ ; ] semicolon

--------------------

- comma များ ပါပြီးသောစာကြောင်းတစ်ကြောင်း၏အစိတ်အပိုင်းများကို ခွဲရေးရန် comma တစ်ခု၏အစားသုံးသည်။

~She was determined to succeed whatever the cost; she would achieve her aim, whoever might suffer on the way.

.

-စနစ်တကျအရေးအသားကို ရေးသားရာတွင် သမ္ဗန္ဓ တစ်ခုဖြင့် မဆက်ထားသော ဝါကျပိုင်းနှစ်ခုကို ခွဲခြားရေးရန် အသုံးပြုသည်။

~The sun was already low in the sky; it would soon be dark.

_________________________________

5.[ ? ] question mark

-------------------------

-တိုက်ရိုက်မေးခွန်းဝါကျ ၏အဆုံးတွင် အသုံးပြုသည်။

~Where's the car?

~You're leaving already?

သွယ်ဝိုက်မေးခွန်းဝါကျ ၏အဆုံးတွင် question mark ကို အသုံးမပြုရ။

~He asked if I was leaving.

(တိုက်ရိုက်မေးခွန်းသည် မြန်မာဘာသာစကားတွင်"လား" ဖြင့်အဆုံးသတ်ပြီး သွယ်ဝိုက်မေးခွန်းတွင်ပါ၀င်သော if ၏အဓိပ္ပါယ်သည် "လားလို့" ဟူ၍အဓိပ္ပါယ်ရသည်။)

.

-မတိကျမရေရာသော date တစ်ခုကို ဖော်ပြရာတွင်အသုံးပြုသည်။

~John Marston (?1575—1634)

_________________________________

6.[ ! ] exclamation mark (BrE) exclamation point (NAmE)

--------------------------

-အံ့သြကြောင်း၊ ၀မ်းသာကြောင်း၊ စိတ်ဆိုးကြောင်း၊ အထိတ်တလန့်ဖြစ်သွားကြောင်း သို့မဟုတ် တခြား ပြင်းထန်သည့်စိတ်ခံစားမှုတစ်ခုခုကို ဖော်ပြသော စာကြောင်းတစ်ကြောင်း၏အဆုံးတွင် အသုံးပြုသည်။

~That's marvellous!

~"Never!" she cried.

.

-အရပ်သုံး အင်္ဂလိပ်စာအရေးအသားတွင် exclamation mark တစ်ခု သို့မဟုတ် exclamation mark နှင့် question mark တစ်ခုထက်ပို၍အသုံးပြုနိုင်သည်။

~"Your wife's just given birth to triplets."

  "Triplets!?"

_________________________________

7.[ ' ] apostrophe

---------------------

- အရာ၀တ္ထုတစ်ခု သို့မဟုတ် လူတစ်ယောက်က တစ်စုံတစ်ခုကို ပိုင်ဆိုင်သည်ဟုပြရန် s နှင့် တွဲ၍အသုံးပြုသည်။

~my friend's brother

~the waitress's apron

~King James's crown/ King James' crown

~the students' books

~the women's coats

.

-အက္ခရာစာလုံးများ နှင့် ကိန်းဂဏန်းများကို မြှုပ်၍ရေးထားကြောင်းညွှန်ပြသော အတိုကောက်ပုံစံများတွင် အသုံးပြုသည်။

~I'm (I am)

~they'd (they had/ they would)

~the summer of '89 (1989)

.

-တစ်ခါတစ်ရံတွင် အက္ခရာစာလုံးတစ်လုံး၊ ကိန်းဂဏန်းတစ်ခု သို့မဟုတ် အတိုကောက်ဖော်ပြချက်တစ်ခုကို အများကိန်းပုံစံဖြစ်ပေါ်စေရန် s နှင့်တွဲ၍အသုံးပြုသည်။

~roll your r's

~during the 1990's

_________________________________

#ပုဒ်ဖြတ်ပုဒ်ရပ် သင်္ကေတများ (Punctuation marks) အကြောင်းသိကောင်းစရာများ အပိုင်း ( ၃ )

******************************************

8.[ - ] hyphen

------------------

-စကားလုံး နှစ်လုံး သို့မဟုတ် နှစ်လုံးအထက်တခြားစကားလုံးများနှင့် ပေါင်းစပ်ပုံစံတစ်ခု ဖွဲ့စည်းရန်အတွက် အသုံးပြုသည်။

~hard-hearted

~fork-lift truck

~mother-to-be

.

-ရှေ့ဆက်ပုဒ်တစ်ခုနှင့် တစ်ဦးဆိုင်နာမ်တစ်ခုမှ ပေါင်းစပ်ပုံစံတစ်ခု ဖွဲ့စည်းရန်အတွက် အသုံးပြုသည်။

~pre-Raphaelite

~pro-European

.

-၂၁ နှင့် ၉၉ အတွင်း ပေါင်းစပ်နံပါတ်များကို စာဖြင့်ဖော်ပြရေးသားရာတွင် အသုံးပြုသည်။

~seventy-three

~thirty-one

.

-တစ်ခါတစ်ရံ British English တွင် ရှေ့ဆက်ပုဒ်၏အဆုံးသတ် သရ ကို အနောက်စာလုံးအစရှိ တူညီသော သရ နှင့်ခွဲရေးရာတွင် အသုံးပြုသည်။

~co-operate

~pre-eminent

.

-စာကြောင်းတစ်ကြောင်းမှ တစ်ကြောင်းအကူး ကြားတွင် စာလုံးတစ်လုံး ကွဲနေသော အနေအထားရှိသည့် အခါမျိုး၌ ထိုစာလုံးပထမအပိုင်း၏ နောက်ကပ်လျက်တွင် အသုံးပြုသည်။

~decide what to do in order to avoid mis-

takes of this kind in the future

_________________________________

9.[ — ] dash

---------------

-အရပ်သုံး အင်္ဂလိပ်စာအရေးအသားတွင် နောက်မှလိုက်သော စာကြောင်းသည် လက်ရှိအကြောင်းအရာ၏အနှစ်ချုပ်တစ်ခု ဖြစ်ကြောင်း သို့မဟုတ် ရှေ့တွင်ဖြစ်ပြီးသောအကြောင်းအရာ၏နိဂုံးတစ်ခု ဖြစ်ကြောင်းပြရန် colon သို့မဟုတ် semicolon တစ်ခု၏အစား အသုံးပြုသည်။

~Men were shouting, women were screaming, children were crying— it was chaos.

~You've admitted that you lied to me— how can I trust you again?

.

-စာကြောင်း၏ကျန်သည့်အပိုင်းမှ ထင်မြင်ချက်တစ်ခု သို့မဟုတ် နောက်မှရသည့်အကြံတစ်ခုကို ခွဲရေးရန် တစ်ခုတည်းသို့မဟုတ် အစုံလိုက် အသုံးပြုသည်။

~He knew nothing at all about it— or so he said.

_________________________________

10.[ ... ] dots / ellipsis

--------------------------

-စာကိုး၊ ကျမ်းကိုးတစ်ခု သို့မဟုတ် ပြောစကားတစ်ခု၏အဆုံးတွင် စာလုံးများကို မြှုပ်ရေးထားကြောင်း ပြရာတွင် အသုံးပြုသည်။

~...challenging the view that Britain... had not changed all that fundamentally.

_________________________________

11.[ / ] slash / oblique

--------------------------

-ရွေးချယ်စရာ စကားလုံးများ သို့မဟုတ် စကားစုများကို ခွဲရေးရန် အသုံးပြုသည်။

~have a pudding and / or cheese

~single / married / widowed / divorced

.

-အင်တာနက်နှင့် အီးမေးလ် လိပ်စာများတွင် မတူညီသော element များကိုခွဲရေးရန် အသုံးပြုသည်။ ( တစ်ခါတစ်ရံတွင် ၄င်းကို ' forward slash ' ဟုလည်းခေါ်သည်။ )

~http://www.---.com/elt/

_________________________________

#Oxford Advanced Learner's Dictionary ( 8th Edition )

#Translated by Moe Thiha