❝ သစ္စာသိပြီးမှလှူပါ....❞
▬▬▬▬▬▬▬▬▬
မိုးကုတ်ဆရာတော်ဘုရားကြီး၏
ဒကာကြီးဦးချန်ထွန်းမှ မိုးကုတ်ဆရာတော်
ဘုရားကြီးအား သင်္ကန်းသွားရောက်
ကပ်လှူသော အခါ ...
မိုးကုတ်ဆရာတော်ဘုရားကြီးမှ.....
▶မင်း... သင်္ကန်း အသာချထားဦးကွာ ၊
မင်း... ဘယ်က လာတာလဲ
⏩တပည့်တော် ရန်ကုန်ကပါဘုရား
▶မင်း တရားထိုင်ဖူးသလား
⏩မထိုင်ဖူးပါ ဘုရား
▶အေး...ဒါဆို မင်းတင်ပျဉ်ခွေထိုင် ၊
မျက်လွှာချထား ၊ မင်းဥာဏ်နဲ့
မင်းခန္ဓာထဲကြည့်နေ...
- ဆိုကာ ဆွမ်းဘုန်းပေးရန်ကြွသွားလေသည် ။
နာရီဝက်ခန့်ကြာမှ ပြန်ရောက်လာ၏ ။
▶ဘယ့်နှယ့်လဲကွ ၊ ဘာတွေတွေ့သလဲဟေ့ ...
⏩တပည့်တော်ဖြင့် ဘာမျှမတွေ့ပါဘူးဘုရား ၊
ညောင်းတာ ကိုက်တာ ခဲတာတွေပဲ
တွေ့နေတယ်ဘုရား....
- လို့ ဖြေလိုက်သည် ။
▶အေး...ဟုတ်ပြီ အဲဒါတွေဟာ
ချမ်းသာတွေလား ၊ ဆင်းရဲတွေလား
⏩ဆင်းရဲတွေပါ ဘုရား
▶ဆင်းရဲဆိုတော့ ဒုက္ခတွေပေါ့
⏩မှန်ပါ့ဘုရား
▶အဲဒါတွေက မတည်ငြိမ်ဘူး
ပြောင်းလဲ နေတယ်
⏩မှန်ပါ့ဘုရား
▶ဒုက္ခသစ္စာဆိုတာ ဒါတွေပဲ
⏩ေဩာ်... မှန်ပါ့ဘုရား
▶အဲဒီ ဒုက္ခသစ္စာတွေကို
လိုချင်သလား မလိုချင်ဘူးလား
⏩မလိုချင်ပါဘူး ဘုရား
▶ " ကဲ... ဒါဆိုရင် အဲဒီ ဒုက္ခသစ္စာမျိုးတွေကို
မလိုချင် ၊ မရချင်လို့ ဒီသင်္ကန်းကို လှူပါတယ်
ဘုရား " လို့ မင်းစိတ်ထဲက ဆုတောင်းပြီးလှူပါ
- လို့ သစ္စာသိပြီးမှလှူရန် မိုးကုတ်ဆရာတော်ဘုရားကြီးမှ
ဟောကြားတော်မူခဲ့ပါသည် ။
မိုးကုတ်ဆရာတော်ဘုရားကြီး၏
ဥပနိဿယ အတိုင်း ဆရာတော်
အရှင်ဥာဏောဘာသ (အေးစေတီ၊မင်းဘူး) မှလည်း ....
ယခုလို ဟောကြားတော်မူခဲ့ပါသည် ။
▶တရားနာ ပရိတ်သတ်ကြီး
အခုထိုင်နေတာကြာနေပြီဆိုတော့
မညောင်းဘူးဘူးလား ?
⏩ညောင်းပါတယ်ဘုရား
▶ညောင်းတာဟာ၊
ချမ်းသာတာလား၊ဆင်းရဲတာလား ?
⏩ဆင်းရဲတာပါ ဘုရား
▶ဆင်းရဲတယ် ဆိုတာ၊ မြန်မာလို
ပြောတာ။ ပါဠိလို ဒုက္ခမဟုတ်လား ?
⏩ဟုတ်ပါတယ်ဘုရား
▶ညောင်းတဲ့ဆင်းရဲဖြစ်ပေါ်နေတာဟာ
လူပြော သူပြောလား။ ကိုယ်တွေ့
လက်တွေ့လား ?
⏩ကိုယ်တွေ့လက်တွေ့ပါဘုရား
▶ကိုယ်တွေ့လက်တွေ့ဆိုတော့
မမှန်တာလား၊မှန်တာလား ?
⏩မှန်တာပါဘုရား
▶မှန်တယ်ဆိုတာ မြန်မာလိုပြောတာ။
ပါဠိလို သစ္စာမခေါ်ဘူးလား ?
⏩ခေါ်ပါတယ်ဘုရား
▶ဒါဆိုရင် ဒုက္ခနဲ့ သစ္စာပေါင်းတော့ ?
⏩ဒုက္ခသစ္စာပါဘုရား
▶ဒါဖြင့်ညောင်းတာက ဘာသစ္စာ ?
⏩ဒုက္ခသစ္စာပါဘုရား
▶ညောင်းတာဒုက္ခသစ္စာလို့ သိပြီနော်။
ညောင်းတယ်ဆိုတာလည်း သူ့အလိုလို
ပေါ်လာတာလား ၊ ဒီခန္ဓာကြီးရှိလို့လား ?
⏩ဒီခန္ဓာကြီးရှိလို့ပါဘုရား
▶ဒီခန္ဓာကြီးရှိလို့ညောင်းတာပေါ်တာ ။
ဒီခန္ဓာကြီးချုပ်ငြိမ်းသွားရင် ညောင်းတာ
ဆိုတာ ပေါ် ပါဦးမလား ?
⏩မပေါ်ပါဘူးဘုရား
▶ဒီခန္ဓာကြီးရှိနေတာက အကြောင်း ၊
ညောင်းတာကအကျိုး ၊
အကျိုးညောင်းတာကို မလိုချင်ရင်
အကြောင်းခန္ဓာကြီးကိုလည်း
မလိုချင်ပါနဲ့ ။ အကြောင်းဒုက္ခဖြစ်လို့
အကျိုးဒုက္ခဖြစ်ရတာ ။
ဒီတော့ ....
ဒီခန္ဓာဝန် ဒုက္ခသစ္စာကြီးမှ လွတ်လို
ကျွတ်လို လို့လှူတာ ဆိုပြီး စိတ်ထဲ
ဥာဏ်ထဲမှ သိပြီးတော့လှူပါ ....
သာဓု...သာဓု...သာဓု...
သစ္စာဥာဏ်ဖြင့်
စာစီ ပူဇော်ပါသည်ဘုရား...
Credit : Mogok Min Min
