*သား*
မင်း အလုပ်မလုပ်တော့ဘူးလား....?
မင်းကျောင်းပြီးတာလဲကြာပြီကွာ.....
အဖေတို့ကျန်းမာရေးကောင်းတုန်းတော့
မင်း အလုပ်မလုပ်လည်းရတယ်....
ဒါပေမယ့် အဖေတို့မရှိတော့ရင်
ဘယ်သူ့ကိုအားကိုးမလဲ.....?
သား....အိမ်ထောင်ပြုရင် အိမ်ထောင်ဦးစီး
တာဝန်ကိုဘယ်လိုယူမလဲ.....?
မင်း လုပ်ကျွေးတာကို မိဘတွေက
မျှော်လင့်လို့မဟုတ်ပါဘူးကွာ.......
မိဘတွေက ဂုဏ်ယူပြီးကြွားချင်လို့ပါကွာ.....
*ဖေဖေ*
သား အလုပ်စဉ်းစားနေတုန်းပါ....
ရတဲ့အလုပ်ကျတော့
သား ရထားတဲ့ဘွဲ့နဲ့မတန်ပါဘူးဗျာ....
သားနဲ့ထိုက်တန်တဲ့အလုပ် တွေ့ရင်
လုပ်မှာပါ ဖေဖေ....
မင်း...အဲဒီလို အကြောင်းပြချက်
ပေးခဲ့တာ ဘယ်လောက်ကြာပြီလဲ...?
လူဆိုတာ အလုပ်တခုတော့လုပ်ရတယ်ကွ....
*ဦးနှောက်ဆိုတာ ပုံမှန်သွေးနေမှ
ထက်သလို လူဆိုတာလည်း
အလုပ်ပုံမှန်ရှိမှ မြတ် တာကွ......*
မင်းကို အဖေမေးမယ်.....
ခုချိန်မှာ မင်း ထမင်းစားဖို့တောင်
ပူပင်နေရပြီဆိုရင် မင်းရထားတဲ့
ဘွဲ့နဲ့ ပညာနဲ့ မထိုက်တန်ဘူးဆိုပြီး
ရတဲ့အလုပ်ကိုမလုပ်ဘဲနဲ့
မင်းနဲ့ ထိုက်တန်တဲ့အလုပ်ကို
စောင့်နေမှာလား....?
သား ဖြစ်သူသည်
ခေတ္တမျှစဉ်းစားပြီး
စောင့်နေရင် ထမင်းငတ်မှာပေါ့ ဖေဖေ.....
အေးလေ....မင်းသင်ကြားခဲ့တဲ့
ပညာတွေကပဲမြင့်လွန်းနေတာလား....?
မင်းကပဲ အတတ်ကျူးနေတာလား....?
မပြောတတ်တော့ပါဘူးကွာ.....
သား ကို ဖေဖေပြောမယ်
တွေးပါ ဆုံးဖြတ်ပါ...
*အနေသာလို့ အသာနေရင်
အသေနာတတ်တယ်
နေသလိုမဖြစ်တဲ့ဘ၀မှာ
ဖြစ်သလိုနေခဲ့ရင်
နေသလို ဖြစ်မှာပဲ....*သား*
သားကိုရှင်းပြပါအုံး ဖေဖေ.....
ဖေဖေဖြစ်သူက....ရှင်းပြပါတယ်....
ငါ...မလုပ်လဲဖြစ်တယ် ဆိုပြီး
နေသာသလို အပျင်းထူခဲ့ပြီး
အသာလေးနေခဲ့ရင်
အသက်ကြီးရင့်လာတဲ့အချိန်မှာ
ရောဂါကြီးကြီးဖြစ်လာခဲ့ရင်
ကောင်းကောင်းမသေရဘူး
တရားဓမ္မလည်း အေးအေးချမ်းချမ်း
အားထုတ်နိူင်လောက်အောင်
ဆန်အိုးထဲမှာ ဆန်မရှိဘူး....
*အူမတောင့်မှ သီလစောင့်နိူင်မယ်*ဆိုတဲ့
စကားပုံအရ အူမတောင့်အောင်
မရှာခဲ့တော့ သီလလည်း
မဆောက်တည်နိူင်ခဲ့ဘူး...
အဲဒါကြောင့်
သေလမ်းခရီးမဖြောင့်ဖြူးးပဲ
အသေနာတတ်တယ်......
ဘ၀ဆိုတာတိုက်ပွဲတစ်ခုပါ သား....
ဘ၀ဆိုတဲ့ တိုက်ပွဲကိုကြောက်ရွံ့နေပြီး
နေသလိုမဖြစ်တဲ့ဘ၀မှာ
တိုက်ပွဲကို ရှောင်ပုန်း၍
ဖြစ်သလိုနေခဲ့မယ်ဆိုရင်
ဘ၀က မိမိနေထိုင်ခဲ့တဲ့အတိုင်း
ဖြစ်သလိုဘ၀ဖြစ်နေမှာပါ...
ကိုယ်စိုက်တဲ့ အပင်ကအသီးကို
မိမိပဲအကျိုးခံစားခွင့်
စားသုံးခွင့်ရမှာပါ.....
ချဉ်ပေါင်ပင်စိုက်ပြီး
ပန်းသီး စားချင်လို့တော့ မရဘူး*သား*....
အဲဒီတော့
ဖေဖေ ပြောချင်တာကတော့.....
*နေသလို မဖြစ်တဲ့ဘ၀မှာ
ဖြစ်သလို မနေဘဲ
ဘ၀ကို မိမိကိုယ်တိုင်
အကောင်းဆုံးဆေးခြယ်
အရောင်တင်မှ မိမိဘ၀က
တောက်ပြောင် ခမ်းနားလာမှာ ပါ *သား*.....
သားဖြစ်သူ သည်
ဖေဖေ၏ စကားဆုံးသောအခါ
ဖေဖေကို စိုက်ကြည့်ပြီး အဲဒါကြောင့်
ဖေဖေကို လူတွေကလေးစား
တန်ဖိုးထားကြပြီး မိသားစုရဲ့
နေမင်းကြီး ဖြစ်နေတာပါ ဖေဖေ
ဖေဖေ့ကို သားကတိပေးပါတယ်.....
သား နေသာသလို မနေတော့ပါဘူး....
သား ဘ၀ကို သားကိုယ်တိုင်
အရောင်တောက်ပြောင်အောင်
ကြိုးစားပါတော့မယ်နော်......
မူရင်းရေးသူအားCreditပေးပါသည်"
______________________________
#Credit to အနော်
